novas
 
 


10/9/11

Premio para Ánxeles no FETEGA

(Foto de "Tempo de lecer")

O Festival de Teatro Galego do Carballiño concedeu a Ánxeles Cuña o Premio Honorífico FETEGA 2011.

Ánxeles apuntou que “o teatro non é un luxo, é unha necesidade, porque todos necesitamos soñar” e lembrou aos seus compañeiros de Sarabela dedicando o galardón a Begoña Muñoz e Suso Díaz.

Este galardón honorífico, obra do artista do Carballiño Chicho Carballeda, é unha peza móbil con madeiras nobres que representa as mil caras do teatro. A súa concesión ten como obxectivo premiar a traxectoria profesional do galardoado.